དཔལ་ལྡན་ཆོས་ཀྱི་གྲགས་པ།

ཕྱོགས་ལས་རྣམ་པར་རྒྱལ་བ་ཡི།།

འོད་ཀྱིས་འཛམ་གླིང་གང་བ་དང་།།

མཉམ་དུ་གྲགས་པའི་པད་དཀར་བྱེ།།

ཆོས་ཀྱི་གྲགས་པའི་ཞབས་ལ་འདུད།།

         ཁོང་ནི་དུས་རབས་བདུན་པའི་ནང་དུ་བྲམ་ཟེའི་རིགས་ཕྱི་རོལ་པའི་ཆོས་བྱེད་མཁན་ཞིག་གི་ཁྱིམ་དུ་འཁྲུངས། ཆུང་དུས་ནས་རིག་གནས་ལྔ་དང་ཕྱི་རོལ་པའི་ཆོས་ལ་མཁས་པར་བྱས། རྗེས་སུ་སངས་རྒྱས་པའི་གྲུབ་མཐར་ཞུགས་ཏེ་སློབ་དཔོན་དབང་ཕྱུག་སྡེ་སོགས་བླ་མར་བསྟེན་ཏེ་ཚད་མ་ཀུན་བཏུས་སོགས་ལ་སློབ་གཉེར་མཐར་ཕྱིན་མཛད་དེ་རྒྱ་གར་ཡུལ་གང་སར་ཕྱིན་ནས་ཕྱི་རོལ་པ་དང་རྩོད་པས་ཕྱི་རོལ་པ་གང་མང་ཕམ་པར་བྱས་ཤིང་། སངས་རྒྱས་པའི་ཆོས་གཞི་དང་ལྷ་ཁང་བརྒྱ་ལྷག་བསར་བསྐྲུན་གནང་། གསུང་རྩོམ་ལ། 《གཏན་ཚིགས་ཐིགས་པ》དང་། 《འགྲེལ་བ་བརྟགས་པ།》 《རྒྱུད་གཞན་སྒྲུབ་པ།》 《རྩོད་པའི་རིགས་པ།》 《རྣམ་འགྲེལ།》《རྣམ་ངེས།》 《རིགས་པའི་ཐིགས་པ》སོགས་ཡོད།